TV PATROL: 2 akyat-bahay lumusot sa butas na lagayan ng aircon; 1 suspek arestado

Arestado ang isang akyat-bahay na lumusot sa butas na lagayan ng aircon sa Quezon City.

Sapul sa CCTV ang pag-akyat ng magbarkada sa isang gate ng bahay habang nasa trabaho ang may-ari nito.

Pagkauwi ng may-ari, tumambad sa kanya ang wasak na lalagyanan ng aircon na siyang pinasukan ng mga suspek.

Naaresto kinabukasan ang isa sa mga suspek na 18-anyos na napag-alamang sangkot na rin noon sa pagnanakaw.

‘Yan ang CCTV Patrol ni Christopher Sitson. TV Patrol, Huwebes, 5 Nobyembre 2026.