TV PATROL: Tarlac nagliwanag sa pagbubukas ng Belenismo tampok ang makukulay na belen

Ramdam na ang simoy ng Pasko sa lalawigan ng Tarlac sa pagbubukas ng taunang Belenismo!

Tampok dito ang 54 na makukulay at malikhaing belen na nagpapakita ng kwento ng payak na kapanganakan ni Hesus. 

Ibinida rin sa Belenismo ang malalim na kultura, tradisyon at pananampalataya ng mga Pilipino. 

Inanunsyo naman ng organizer na hindi muna idaraos ang nakagawiang awards night. 

Sa halip, ibinuhos ang pondo nito para sa ayuda sa mga pamilya at komunidad na matinding naapektuhan ng mga nagdaang bagyo at ng malawakang pagbaha dulot ng habagat. TV Patrol, Biyernes, 6 Nobyembre 2026.